الشاعرة شيماء الغيطي تكتب قصيدة “جواب لأمي”
الشاعرة شيماء الغيطي تكتب قصيدة “جواب لأمي” شعر شيماء الغيطى رئيس نادى أدب طلخا
وحشتينى
وحشتينى
قوى جدًا
وحشنى دعاكى
وقت الفجر مابيدن
وحشنى الضحك واللمه
وحشنى الحضن والضمه
وحشنى أترمى ف حضنك
وأقولك عالوجع يامه
ضرورى هاقولك
أن الدنيا ف غيابك
بقت ضلمه
الشاعرة شيماء الغيطي تكتب قصيدة “جواب لأمي”
وحمل كتافى زاد جدًا
وخدت ف روحى
مية صدمه
وإنى كبرت فوق عمرى
ومت ف جلدى مية مره
صبرت كتير
على فراقك
ولا قدرتش أحوش دمعى
حيطان البيت بتشتاقك
أبصلهم يزيد وجعى
وأقول معلش
كاس داير
وبكره هينطفى شمعى
بدونك كل شيئ مرر
وعيشتى طعمها إتكدر
ده حتى العيد
“الحلم والنهر”.. قصة قصيرة للكاتب محمد خليل
صبح مش عيد
ومش هاقدر أقول أكتر
محدش م الجيران لسه
بيتطمن على حالى
وعمى ساعات أهو بيسأل
وبرضه ساعات
بأقول خالى
لكن ولاحد راح يملى
براحك يامه الخالى
وف ختام الجواب ليكى
ياست الكل بأدعيلك
وأقولك ألف مية رحمة
تجيلك يامه يوم عيدك
والفين ورده على قبرك
ومليون بوسه فوق ايدك
ويرجع تانى مرجوعنا
و م الأول وحشتينى
شيماء الغيطي تكتب قصيدة “جواب لأمى” شعر شيماء الغيطى رئيس نادى ادب طلخا
اقرأ ايضا:
“فخامة الحكماء”.. قصيدة للشاعر جابر الأسد
