موعد اول ايام عيد الفطر 2026 رسميًا في مصر وعدد أيام رمضان
موعد اول ايام عيد الفطر 2026 تصدر الموعد اهتمامات الناس وتزايدت عمليات البحث حوله وذلك من أجل الاستعداد لهذا اليوم المبارك، انشغل الناس خلال الساعات الماضية بموعد عيد الفطر ، وذلك أيضا بعد أن أعلنت الحسابات الفلكية الصادرة عن المعهد القومي للبحوث الفلكية أن شهر رمضان هذا العام سيكون 29 يومًا، ليكون الخميس 19 مارس 2026 هو المتمم للشهر الكريم، وهو أيضًا أطول أيام الصيام من حيث عدد الساعات، إذ تصل مدة الصوم فيه إلى 13 ساعة و52 دقيقة تقريبًا.
موعد اول ايام عيد الفطر 2026
وبحسب التقديرات الفلكية، فإن موعد اول ايام عيد الفطر 2026 سيكون يوم الجمعة 20 مارس 2026، على أن يتم الإعلان الرسمي النهائي بعد استطلاع هلال شهر شوال مساء يوم 29 رمضان.
وكانت دار الإفتاء المصرية قد أعلنت في وقت سابق ثبوت رؤية هلال رمضان، مؤكدة أن بداية الشهر كانت الخميس 19 فبراير 2026، وذلك بعد استطلاع الهلال بواسطة اللجان الشرعية والعلمية المنتشرة في مختلف المحافظات.
ومع اقتراب نهاية الشهر الكريم، يبدأ الحديث يتجدد في البيوت والشوارع ومواقع التواصل عن موعد اول ايام عيد الفطر 2026، حيث يترقب الجميع لحظة الإعلان الرسمي، وتبدأ الاستعدادات مبكرًا لاستقبال أيام العيد بفرحة طال انتظارها.
موعد صلاة عيد الفطر 2026 في القاهرة والمحافظات
بحسب الإمساكية الرسمية، تقام صلاة عيد الفطر 2026 في القاهرة في تمام الساعة 6:24 صباحًا، بينما تختلف دقائق قليلة في باقي المحافظات حسب التوقيت المحلي لكل مدينة، وصلاة العيد لها طابع خاص جدًا… الشوارع قبلها بساعات تبتدي تتحرك، الناس تلبس جديدها، والأطفال يصحوا بدري على غير عادتهم من غير زعل، علشان “هنروح نصلي العيد”.
والتكبيرات وهي طالعة من المساجد والساحات المفتوحة تحسسك إن المدينة كلها بتقول بصوت واحد: “الله أكبر الله أكبر الله أكبر لا إله إلا الله”.
ويا سلام على الاحساس، فصلاة العيد مش مجرد ركعتين… دي لحظة صفا، ودموع فرح، وأحضان بين ناس يمكن ما شافتش بعض من شهور. لحظة بتقولك إن التعب راح، وإن الصيام خلص، وإن الفرحة مستنية.
مظاهر الاحتفال بعيد الفطر في القرى والنجوع
في القرى والنجوع الموضوع مختلف خالص… العيد هناك له طعم تاني، من قبلها بأيام تلاقي الستات قاعدة تعمل كعك وبسكويت في البيوت، والريحة مالية الشوارع، كل بيت فاتح بابه، وكل حد داخل خارج، والضحكة حاضرة.
بينما ليلة العيد تحديدًا، تلاقي الأطفال مش عايزين يناموا، مستنيين لبسهم الجديد يتحط جنب السرير. أول ما الشمس تطلع، الشوارع تتملي ولاد وبنات لابسين ألوان مبهجة، ماسكين العيدية في إيديهم وبيخططوا هيصرفوها في إيه.
وبعد الصلاة، تبدأ الزيارات: “تعالى نفطر عند خالتك”… “نعدي على عمو فلان”… “نروح نسلم على الجدة”.
البيوت مفتوحة، القهوة والشاي شغالين طول اليوم، وكل واحد بيقول للتاني: “كل سنة وانت طيب”.
وفي القرى تحديدًا، فيه دفء مش موجود في أي حتة تانية… الناس تعرف بعض بالاسم، وتفرح لبعض بجد، ولو حد غايب عن الصلاة يسألوا عليه فورًا. العيد هناك مش بس احتفال… العيد هناك إحساس بالأمان والانتماء.
كيف تحتفل الدول الإسلامية بعيد الفطر؟ وما الفرق مع مصر؟
عيد الفطر في الدول الإسلامية، له روح واحدة لكن بطابع مختلف، في بعض دول الخليج، الاحتفالات تبقى منظمة جدًا، مهرجانات، عروض، ألعاب نارية، فعاليات كبيرة في الميادين والمولات.
وفي تركيا مثلًا، يسموه “عيد السكر”، والأطفال يلفوا على البيوت ياخدوا حلوى، وفي ماليزيا وإندونيسيا الناس تسافر مسافات طويلة علشان تقضي العيد مع عيلتها، وكأنها هجرة عكسية جماعية للدفء العائلي.
ولكن في مصر… العيد حكاية تانية، في مصر العيد يبدأ من التكبيرات اللي بتدخلك في حالة وجد غريبة، لحد صوت باعة البلالين، والناس اللي نازلة الكورنيش أو الحدائق، والزحمة قدام السينمات.
ومصر يمكن ما عندهاش احتفالات ضخمة زي بعض الدول، لكن عندها حاجة أهم… عندها روح، عندها لمّة، وعندها جدّة قاعدة على الكرسي بتوزع العيدية، وأب بيبتسم وهو شايف ولاده مبسوطين، وأم بتحس إن تعب رمضان كله اتعوض في ضحكة واحدة من ابنها.
وموعد اول ايام عيد الفطر 2026 ،عند اقتراب نهاية الشهر الكريم، يزداد البحث عن موعد اول ايام عيد الفطر 2026، والقلوب تبدأ تتهيأ للفرحة. فلكيًا، العيد سيكون الجمعة 20 مارس 2026، لكن تبقى اللحظة الأجمل هي لحظة الإعلان الرسمي ورؤية الهلال.
العيد مش بس تاريخ في التقويم، والعيد إحساس إن صفحة جديدة بتتفتح، إن فيه أمل، وإن بعد كل تعب في راحة، وبعد كل صيام في فرحة، كل سنة وأنتم بخير، وربنا يعيده علينا جميعًا بالأمن والطمأنينة والقلوب الصافية.
اقرأ ايضا:
عدد الأيام المتبقية على عيد الفطر المبارك 2026 .. العد التنازلي لأول أيام العيد
