رامي صبري: تامر حسنى فنان كبير و عرفت هو محبوب ليه لما اشتغلنا مع بعض

كتبت: بسنت السيد

رسالة حب بين الفنان رامي صبري والفنان تامر حسني تصدرت مواقع التواصل الاجتماعي خلال الساعات الماضية، ونالت إعجاب الجمهور وتم تداولها من جانبهم، وكانت الرسالة حب في تامر حسني، موقع مباشر 24 يرصد خلال السطور القادمة قصة الرسالة التي تصدرت مواقع التواصل الاجتماعي.

لقاء فنى لأول مرة بين رامي صبري وتامر حسني

وجّه المطرب رامي صبري عبر حسابه الخاص في “فيسبوك” رسالة الى الفنان تامر حسني،وذلك بعد تعاونهما للمرة الأولى في أغنية “فعلاً مبيتنسيش”.

وكشڤ صبري أن العمل الأول بينه وبين تامر هو اللقاء الأول بينهما وصرح عبر حسابه على موقع فيس بوك أنه من المقرر طرحها قريباً على “يوتيوب” وكل المنصّات الموسيقية.

صورة تجمع رامي وتامر تشعل رواد التواصل الاجتماعي

ونشر رامى صبرى صورة تجمعه بتامر عبر حسابه الشخصي على فيس بوك من كواليس بروفات تسجيل اغنيتهما فعلا ميتنسيش والتى تعكس مشاعر الحب والتقدير والاحترام المتبادل بينهما.

رسالة صبري لتامر حسني

وعلّق رامي صبري تحت الصورة قائلاً: ” أنا بشوف الصورة دي بشكل تاني خالص، أولاً تامر فنان أخ وغالي ومحترم وواثق في نفسه ودي للأسف مش موجودة كتير في مغنيين كتير ناجحين، ولكن عندهم مشاكل كبيرة ومايعرفوش يبقوا زي الراجل المحترم اللي ماسك المايك ده، تامر حسني فنان كبير جداً جداً ولما اشتغلت أنا وهو في الديو اللي هاينزل الفترة اللي جايه فهمت هو ليه محبوب جداً”.

رامي يشكر تامر على احترامه 

وعبر رامى صبرى عن امتنانه للعمل مع تامر مادحا أخلاق وزوق تامر حسني قائلا ً علشان عنده صفاء نفسي مش موجود عندي أنا شخصياً آه والله أنا دايماً ليا رد فعل، إنما هو بيسيب الحاجات زي ماهي وما بيحبش يردّ ودي حاجة صعبة جداً جداً، عاوز أقول مش كل فنان أو نجم يستحق، لأن دايماً الأخلاق واحترام زمايلك هو الموضوع مش بس الفن، شكراً تامر حسني على ذوقك واحترامك ليا دايماً في التصوير”.

قريبًا فعلًا مبيتنسيش على كل المنصات

وتابع: “ودايماً كنت تقولي أنت مبسوط إيه رأيك محتاج حاجة؟ ، كل ده ما ينفعش يطلع غير من فنان حقيقي عنده إحساس بالناس والأهم واثق من نفسه، قريباً جداً هتشوفوا وهاتسمعوا أغنية “فعلاً مبيتنسيش” على جميع منصات الموسيقى في العالم”.

رد تامر حسنى على تعليق رامى صبري

وأمن جانبه أعاد تامر حسني نشر الصورة ونشر تعليق رامي صبري عبر حسابه الخاص في “فيسبوك”، وردّ عليها قائلاً: “حبيبي يا رامي إنت قبل ما تكون نجم كبير ومُهم إنت صاحبي من أيام الطفولة ودي حاجات الناس متعرفهاش، ويمكن مكنش في فُرصه نحكي ده قبل كده… إنت يا رامي صاحب عُمر ومشوار.