كتبت: بسنت السيد
محمد أيمن المعروف بجينو هو صانع محتوى تعليمي لطلبة الثانوية العامة في اللغة الإنجليزية استطاع بفضل أسلوبه الكوميدي الساخر أن يجذب الملايين من الطلبة بخفة ظله وأسلوبه الشيق وابتسامته الدائمة.
تتصدر كتبه في اللغة الإنجليزية قائمة الأكثر مبيعا في معرض القاهرة الدولي للكتاب كل عام حيث يتسابق طلبة الثانوية العامة في سحب نسخ مؤلفاته من سلسلة جينو للغة الإنجليزية.
كشف محمد أيمن في منشور على حسابه على فيس بوك عن رحلته قبل ظهور نتيجة الثانوية العامة وعن طموحاته في دخول كلية العلوم حيث يقول : زمان بعد نتيجة الثانوية العامة كنت زعلان موووووت اني جبت ٩١% ولسالي نص درجه علي كليه علوم اللي هي حلم حياتي من صغري.
ويتابع أيمن “وبعدها دخلت كليه اداب وزي باقي الشعب جبت مقبول وكنت بشيل مواد بس كنت بعدي صافي ، وزي باقي الخريجين بردو قدمت علي شغل كتيييير واترفضت”
ويضيف : واشتغلت سنين كتير في النقاشة
ويظهر مع البوست صورة لمحمد أيمن وهو بملابس العمل كنقاش ويروى قصة كفاحه معبرا عن نقطة التحول في حياته متسائلا هو انا لو كنت دخلت علوم هل كانت شخصيتي هتتغير زي دلوقت؟
هل كنت هبقي من المؤثرين ؟
هل كنت هأثر في ملايين الناس؟
هل كنت هبقي مصدر الهام لناس كتير؟
هل كنت هبقي مصدر فخر لاصحابي ولعيلتي ؟
هل كنت هتصنف افضل مقدم محتوي تعليمي في مصر؟
هل كنت هأسس منصة مناهج ويبقا معايا بفضل الله كام الف طالب ثانوية عامة ؟
هل كنت هبقي السبب ان كام الف طالب يقفلوا الانجليزي في ثانوي؟
هل وهل وهل؟….!
ويجيب جينو : فعلاااااا لو كنتم تعلمون الغيب لرضيتم بالواقع
ويؤكد قائلا : ربنا أخد مني نص درجه بس رفعني درجات كتير ف عيون الناس? وكفايه كميه الرسايل اللي بتجيلي تقولي انت السبب بعد ربنا في تحويل شخصيتي للأحسن “.
اسعى وحاول وسبها على الله
ويختتم منشوره موجها نصيحة للشباب قائلا: طبعا في ناس عندها قصص نجاح أحسن مني مليون مره ، بس أنا بحب أشارككم بالكلام ده لعل وعسي يكون كلام محفز لحد مكسل ، اسعي وحاول وسيبها علي الله ، اوعي في يوم من الأيام تزعل علي حاجه انت شايف انها ضاعت منك بكره تصرخ من الفرحة لما تشوف الحاجة اللي ربنا شايلهالك يارب لك الحمد.
اقرأ أيضاً..
مايا دياب تحيي حفل لصالح مرضى السرطان بإطلالة جريئة تثير الجدل
تصريحات ترامب تثير جدلا عالميا بشأن قضايا التعريفة الجمركية وضم كندا ومساعدات أوكرانيا