” بلغة الحس” .. شعر جيهان النجار
” بلغة الحس” .. شعر جيهان النجار
اذا كان الكلام طالع قصيدة شعر من غزة
اكيد المعنى م القسام
انا والله مش عايزة اقول الشعر تاني كلام
زهقنا معاني تتمني وتقعد جنبي وتستني
حروف اتعودت ع
الموت
جميل انك تألف شعر لغته سكوت
وفين الشعر هنطوله ومين يقدر علي قوله سوي الأحرار
صحاب الحق ف البركة وف الصخرة حماة المسجد الأبرار
تعالي معايا واتخيل كده الكلمة وهيّ بترفع الأنقاض
وهي بتلبس المعني اللي لم يأت بلغة الضاد
تعالي وشوف جمال الحرف لما بيحضن الأحفاد
تعالي وشوف عيون الجملة بتشوف الحياة بالكاد
هنا غزة بلغة الحس
في ندوة يقدمها لنا الشهداء
هنا شاعر بيلقي قصيدة مكتوبة بشمم وإباء
يقول الشاعر المبدع هنا يتبرع الشهدا
لكل الخائنين بدماء.
” بلغة الحس” .. شعر جيهان النجار
إتبعنا
