الشاعر معوض حلمي يكتب قصيدة ” برا الســرب”
معوض حلمي يكتب قصيدة ” برا الســرب”
ولعـقلك بـس، إفـتح طـرقـات
وف قلـبك رص، الـورد راقـات
مهـما الأمـوات حـاولوا يجروك
خلـيك كما نهـر بيجري فـرات
ف وسـط الحلم، هناك عقبات
وف آخر الفيلم، عـديد أمـوات
ونهـاية عـمر اتعـاش تناتيـش
بنـداري الحـسره مع الدمعات
وفوسط الضهر، عمود مكسور
وف عـز الضـهر، عرقـنا بحور
الشمس خيـوطـها بتبــعد ليه
وبنبدر ليه في تقاوي الزور
مـبدوره السـكه بكــسر قزاز
والدنيا محـيط ملـيان ألغـاز
ومراكـب دايره وعايزه النـور
وعقـولنا البـور ملـيانه نشـاز
وعـشـان ماتعـــدي لـبر أمـان
وتخـاصـم ناس تهوى البهتان
إوعـــاك تســأل لـــــيه وازاي
واوعى تجــادل ف الخسـران
ف زمـان الــوش بألــف قناع
وكلام معسول ولسان خداع
إوعى تمـيل على ميل المايل
إفـــرد تـاج العـفـه شـــــراع
إرمـي حـمــولك نـادي الـحي
إصـنع فــرحـه لبكـره الجاي
إنسى وســامح وافـتـح باب
تدخـل مــنه خـيـوط الضـي
عيـش العـمـر كـأنـك ضــيف
إوعى تشـاكس في التصـنيف
غــرد وحـــدك بـرا الســـرب
واهـرب مـن مواضيع االزيف
نهـج الحـب إوعـاك تنــسـاه
واوعـى تـدور عـمـا ســـواه
خــلي بيـاض القـلب يـدوم
تلـقى حمـولك شــــالها الله
مره اتنين اصحاب اتعاهدوا
واحـد عـــاش بنــقاء النـيه
حب الخير وبيـوفي بعـهده
عمــره مامـد إيـديه بأذيــه
واحـــــد كـان آسي وغـدار
كان بيصـاحب لاجـل العله
زي التـعـلب عــاش مـكــار
يخطف ويجري مالهوش مله
ال اتنـين ماسـكين الــــدفة
اللي بيوفي بعـهـده مسامح
لابـس توب النـــور والعـفه
عاش بحلاله وعرقه يكافـح
والغـدار فـي الدره قــناص
سن سنانه عشان القــرصه
على أحوال الناس بصـاص
لابد لاجـل تحـين الفـــرصه
اللي بيـوفي بعـهـده راميها
بيسعى ينادي عـلى الفـتاح
عايش راضـي وقـانـع بيـها
كـان بيـــنام اللــيل مـرتاح
والغــــدار الطــــامع فــــيها
قاعــد يكــنز غـــله ومـاس
شق جيوب عالسـرقة ناويها
يعلى رصـيده بعـرق الناس
اللي بيـوفي بعــهده عفيف
قلـبه دا خـالي مـن الأوزار
نقبه ف وسـط الخلق شريف
عــلى أســرار النـاس سـتار
والغــــدار ملعــون لو صلى
حتى إن كان ف صلاته إمام
واكل لحـم الخـلق ماخــلى
علـى أعـراض النـاس نمـام
اللي بيوفي بعهده دا فــرض
يرمي الـبذره فتـطرح ضي
ويحبوه الحصى في الأرض
وبعـد ومماته هايفضـل حي
اللـي بيـــوفي بعـهده مـلاك
وتفضل سـيرته بتشـفع لـيه
والغــدار ف الـدنـيا هــــلاك
كل الخــلق بتــدعـي علــيه
بقلمي معوض حلمي الفلاح الفصيح
منشأة بطاش تمي الأمديد دقهلية
اقرأ ايضًا:
“حلوه الحروف”..شعر لـ مجدي سالم
