عجين القلب.. شعر عبدالهادي عرابي

عجين القلب.. شعر عبدالهادي عرابي

أنا كنت باشتمها بعشم
مش عنجهية أو غشم
ومهما اردد : بنت كلب.
القلب في القلب اترسم
يا سمرا حقك تزعلي
وانا حقي حاضر أو نعم
للصبر آخر يا قمر
وانتي عجين قلبك خمر
قومي اخبزي حبة هدوء
الضوء وعضم الشوق ضمر
كهل المعالم من سنين
عفّ المغانم في الفرص
مع إني مش راكب فرس
لكني باتصنف أمير
وانا مش باطير
لكني طيار بالخيال
كل اللي باجنيه من آمال
لساه آمال
لساه جبال مِ المستحيل
يا تشد حيل.. يا تهد حيل
فعزفت ع التفكير لنفسي
مجبرًا
وبقيت بافكر للعيال .

عجين القلب.. شعر عبدالهادي عرابي