أميرة المحمدي تكتب قصيدة “جوا حضنى”
أميرة المحمدي تكتب قصيدة “جوا حضنى”
ياللى قلبك مش فاكرنى
بعد إذنك تفتكرنى
لو زعلت معاك عاتبنى
وإن غلطت وغصب عنى
قلبك انت كبير سامحنى
حاطة صورتك جنب منى
حتى عطرك جوا حضنى
حبك اللى زمان فتنى
رغم إنى ف صغر سنى
كنت أسلم له وأغنى
ماتجاوبنى وليه سايبنى
ليه تغير حسن ظنى
دانت حبك سر فنى
ليه ظالمنى وتتهمنى
جوا سجنك ليه آسرنى
ليه بتقسى وتنسى إنى
قلب بيحبك فاهمنى !
طب تكلمنى تناقشنى
مش بتؤمرنى وعايزنى
رغم رفضى أقبل بحزنى
ليه من الإحساس حارمنى
ليه تسيبنى يا حته منى
دانت طول عمرك عاشقنى
قسوة مُرة وحيرتنى
غربة صعبة وعذبتنى
يحصل إيه لو تعتبرنى
حتة منك فوق وخدنى
لمسة منك طمنتنى
ريحتنى وعرفتنى
إن قلبك جوا حضنى
أميرة المحمدي تكتب قصيدة “جوا حضنى”
إتبعنا
