“مهــــــرجـاني”.. قصيدة للشاعر معوض حلمي علي
نويـت وهاعـمـل مهرجان
مهرجان ويلـــم يغــــمـه
م النــواعم والحــــــسان
واي حد مالوهش لازمـه
ف الزمان دا الجهل بيلمـع
والكرامـــة نارها تـوجـع
ومهرجاني لابــــد يجـمـع
كـل جـزمه وابن جزمـه
مهرجان ويلـــم يغــــمـه
م النــواعم والنواقـــــص
واي حد مالوهش لازمـه
مهرجاني هايبـقى راعـي
للـوضـــيع والـنــص لـبـه
ويقـعــد النـائـب بتــاعي
ينجـعـص بين الأحـــــبه
وفيه زلطه وفيه كازوزه
فيه كوارع فـيه بالوظه
والجــوايز كيـك ومـوزه
والعـزيـزه الكـلـمـه كــبه
مهرجاني هايبـقى راعـي
للـوضـــيع والـنــص لبـه
ويقـعــد النـائـب بتـاعي
ينجـعص بين الأحـــــبه
مهرجاني في السـاحـات
راح يخـلي النـاس تهــز
وهادعـو كـل الصالونات
كــي تربـي فـــراخ ووز
وابقوا قولوا لأي شـاعر
وانصحـوه لـو بالمشـاعر
دول رموك واختاروا داعر
يبــقى عضـو ومستــــفز
مهرجاني فـي السـاحات
راح يخـلي النـاس تهــز
وهادعـو كـل الصالونات
كــي تربـي فـــراخ ووز
مهرجاني هايبـقى رقص
يعني وسطك يبقى سايب
لمـا تبــقى الطيـبه نقـص
والكرامــــــه لكـل عايب
يبقى تمـشي في القطيع
قـالــوا بيـع لازمـا تبـيع
ولو تشاكس راح تضــيع
تمشي وسط الخلق خايب
مهرجاني هايبـقى رقص
يعني وسطك يبقى سايب
لمـا تبـــقـى الطيـبه نقـص
والكرامــــــه لكـل عايب
مهرجاني حـلــو ســــكر
فرفشـه وهــزار وســـعد
واللي نفسـه معـانا يســهر
مـش هانمـــنع أي حـــد
حتـى لـو أشعـاره رمــه
دا الطناش في زمانا نعمه
والمــــبادئ بنـت هـرمه
دخلتنا في حيـطه سـد
مهرجاني حـــلو ســـــكر
فرفشـه وهــزار وســـعد
واللي نفسـه معـانا يسـهر
مـش هانمــنع أي حـــد
مهرجاني هايبقى سلوى
للي نـط الحـيط وشـال
والفـاجـومي بيـنا بلـوى
واللي يعـمل فـيها خال
القـيـم ضـاعـت ياهــذا
والقــرف عـــبى القـزازه
نشــربوه آخـــر لــــذاذه
والزمـان دا حــاله مـال
مهرجاني هايبقى سلوى
للي نـط الحـيط وشــال
والفاجـومـي بيـنا بلـوى
واللي يعـمل فيـها خـال
مهـرجاني هايبقى خـابر
الوضـــيع ابـن الوضــيع
لاجـل يقــعد ع المنــابر
يبـقى واد خفـه ووديـع
طلــته ســـحر ولطـــافه
سحـنته آخـــــــر أيـافـه
يبقى مطـلوب للصـحافه
حـتى لو بيكتب شــنيع
مهرجـاني هايبقى خـابر
الوضــــيع ابن الوضــيع
لاجـل يقــعد ع المنــابر
يبـقى واد خفـه ووديـع
معوض حلمي علي
الشهير بالفلاح الفصيح
منشأة بطاش تمي الأمديد دقهلية
