“مصر مش فى عيونا بس”.. قصيدة جديدة للشاعر ممدوح عرابي

مصر مش في عيونا بس
مصرفي قلوبنا اكيد
هي روحى وهي نبض
هي شرياني و وريد
هي شامخه في كل عصر
هي للمظلوم سنيد
لما قلنا تحيا مصر
قالوا تحيا كل حين
قلت بص ع الجبين
تلقا اسمي واستقامتي
والجيران الطيبين
شوف كنيسة في حضن جامع
والهلال حاضن صليب
وف مواجهة كل طامع
من زمان متوحدين
نصر اكتوبر يقول لك
كانت عزيمة ايمان ودين
ياهوا بلادي في ضلك
وإحنا لله ساجدين
في المساجد والكنائس
والبحور والأهرامين
هي قلب وهي روح
هي نبض واحلى بوح
علمت في الكون بحاله
قبل موسى وقبل نوح
لوني منها من حنينها
دمى نيلها وطيني طينها
لو هاغنى واقول بلادي
وبودادي  باقوم حاضنها
الأمان في هواها حاضر
بابتسامه في ضي عينها
الأمان في هواها حاضر
إبتسامه في ضي عينها