“زمن مقلوب”.. نص شعرى لـ ياسمين ثابت

فى الزمن المتشقلب حاله
بيحاسبوا الناس
على طيبة القلب
وحب الخلق
وبنسكت لكن
الكلمة بتخنق فى الحلق
بنعدى لناس
كان اكبر هم شاغل بالها
ازاى تخدعنا وتتسابق
على كسر القلب
والله ماذنب اننا نخلص
لقلوب بتشمت فينا الخلق
بستغرب ليه
انا قلبى بيعلن عصيانه
على كل الخلق
ليه روحى بتعزف
لحن الوحدة بكل سعادة
ورافضة الدمج
لونى حزين
والفرح بدل خطوته
واعلن… الغياب
والمستطاب
بقى طعمه مر
طب ليه تضر الروح
وتمشى الف ميل
لقلوب مازرعت
لجل خاطرك شئ يسر