” تايه وسط المخاليق “.. قصيدة للشاعرة ولاء منصور

بغيابك انا تايه وسط المخاليق
لا انا عارف احب
ولا ابقي صديق
عايش كغريب
بوعد وبغيب
برجع وبسيب
زيك يا مفيش
ومفيش زيك
انا جايه بقول إني بحبك
حب المشتاق دفا انفاسه
حب الموعود بهروب باله
قلبك يا عنيد يا جميل وحدك
لفيت وبدوخ وارجع عندك
ياخي بُعد البُعد اللي يباعدك
دفيانه ضلوعي بأنفاسك
انا لسه بخبط علي بابك
وبقول يا هتفتح يا هتفتح
انا صابر علي قلبك يرحم
وبقول يا هتفتح و هتفتح
ومصمم بغرامك أفلح
عودت عنيا علي ملامحك
عودت ملامحي علي غيابك
مكسوف الليل جوا عيونك
يا جمال الدنيا ف ايامك
صوبت جراحي علي جراحك
في جنابك بشفي وبتعالج
ياخي يحلي السم اللي يقابلك
علشانك سكر ايامي
وتبور الارض اللي تفارقك
وتدوسها فتطرح جناني
ياخي ساعة البعد يشيب عمري
وتعودني فترجع ايامي
عريان الشوق اللي ف قلبي
مدبوحه التنهيدة ف روحي
يا تجيلي برؤية هوان حبي
يا اسعالك بري وطيراني
رهوان الصبر ف ليل قمري
ايا عمري وقمري ورهواني
يا أصيل ف الطبع وف الطيبة
الصبر عليك ذنب وعيبة
انا شاري وابيعلك شرياني
وعشانك من مجني لجاني
ياخي ذنبي في ايه لما بشوفك
بحلو وبصغر وانساني
بترد الروح رحمات شافيه
وبتحي المقتول من تاني
جينلي وجاية وجيالك
واتمني اشوف مني عيالك
الصبر ف حبك علمني
الصبر ف بعدك عذبني
ازاي تتمني اني اقابلك
وتوصي القلب يعذبني
انا تايه
انا تايه وف توهتي بقابلك
وف توهته بحيا وبقابلني
انا شااعر…
انا شاعر ومشاعري مشاورك
تشاورني الناس واجي اشاورك
المجرم في هوانا جنابك
المحرم في لقانا عنادك
الصبر اهو تاب
بكفايه غياب
ليه بجري ف كل طريق حدفك
وبشوفك..
بترد الباب
الحب كتاب
ياتكون عارف تقرا وتكتب
يا تسيبه لغيرك يفتح باب
وبلاش تهدروا صفحات فينا
خدوا منينا
لكن بحساب
زودلي عتاب
كيفني غياب
انا ليه ف عذاب
بتمني نصيبه ف كتب كتاب
انا تايه وسط الاحباب
واعرفني معاه لو حتي غياب
بناديلك تسمعني واجيلك
انا اسيبك؟!!!!!
علي سيِبك سيِبك
دا انا بسهر اتغزل عيبك
وبلوم ع كل الي يسيبك
او يجرح
او يخدش عيبك
واتمني ف يوم ربع مكانهم
او اعدي
او حتي خصامهم
يا اخي اطبطب ع الرملة ف ارضك
لو باست يوم اقدام غيرك
وبطيب ف النسمة تعدي
بتشم جيوب ف احضان غيرك
انا بحسد غيري وغير غيري كان غير
انه يغير علي غيرك
تدبحني وتكويني نيرانك
لو مست يوم اجسام غيري
شوف كل اللي يكونلك كونلي
واياك ع كون غيري تكونله
انا كوني وكونه وكون غيري
فدا رهن الرمش ف صون عينه
حساناتي وجنتي ع ارضك
‏متكفر ذنب ف نار بعدك
‏انا تايه
‏انا تايه بدلال المعشوق
‏لو كان عاشق اياني ما افوء